ភ្នំពេញ ៖ បនល្បែងស៊ីសងបានក្លាយជាសត្រូវរបស់ប្រជាពលរដ្ឋនិងបំពានទៅនឹងគោលនយោបាយភូមិ-សង្កាត់ មានសុវត្ថិភាពហើយក៏ត្រូវមានវិធានករលុបបំបាត់ជាបន្ទាន់ផងដែរប្រយោជន៍ដើម្បីការពារសន្ដិសុខ សណ្ដាប់ធ្នាប់ លុបបំបាត់ឱ្យបាននូវបទល្មើសអំពើឆក់ប្លន់ លួចជាដើម ។ ប៉ុន្ដែទីតាំងទទួល ចាក់កន្ទុយលេខដ៏ធំនៅរាជធានីភ្នំពេញ ដែលគ្រប់គ្រងដោយឧកញ៉ា អ៊ូ ឆាយ បែរជាសមត្ថកិច្ច អាជ្ញាធរពាក់ព័ន្ធមិនមាន វិធានការបង្ក្រាប?
អ្នកកត់កន្ទុយលេខបានអះអាងថា ឧកញ៉ា អ៊ូ ឆាយ គឺជាអ្នកប្រមូលយក ការលក់កន្ទុយលេខទាំងតូចទាំងធំនៅ រាជធានីភ្នំពេញ មិនដឹងថា គាត់មានច្បាប់អនុញ្ញាតឬអត់ច្បាប់នោះទេ ដែលជាទូទៅសមត្ថកិច្ច អាជ្ញាធររួមទាំង តុលាការផងដែរពុំបានបង្ក្រាប ។ ដូច្នេះ សកម្មភាពប្រមូលការចាក់កន្ទុយលេខ របស់ឧកញ៉ា អ៊ូ ឆាយ កាន់តែមានទ្រង់ ទ្រាយធំ ដែលគេចាត់ទុកថា ឧកញ៉ា អ៊ូ ឆាយ ថ្វីត្បិតតែទទួលបានលាភសក្ការៈ ក្នុងនាមជាមេកន្ទុយលេខ ប៉ុន្ដែទង្វើបែប នេះកំពុងបំពានដ៏ធ្ងន់ធ្ងរទៅលើគោលនយោបាយភូមិ-សង្កាត់មានសុវត្ថិភាព ដែលអភិបាលរាជធានីភ្នំពេញមានវិធាន ការបង្ក្រាបឬមានចេតនាណាមួយផ្ដើមឱ្យមានបទល្មើសក្នុងសង្គម ព្រោះប្រភព នៃបនល្បែងស៊ីសងគឺជាការផ្ដើមចេញឱ្យមានបទល្មើសចោរឆក់ប្លន់លួចគ្រប់បែបយ៉ាង ។
លោក អៀង ស៊ីផាន អភិបាលនៃ គណៈអភិបាលខណ្ឌច្បារអំពៅនគរសន្តិភាព មិនអាចទាក់ទងបានទេកាលពីរសៀល ថ្ងៃទី១៥ ខែធ្នូ ឆ្នាំ២០១៤ ដោយទូរស័ព្ទ ចូលមានអ្នកផ្សេងលើក បញ្ជាក់ថា លោកកំពុងជាប់រវល់ ។ ដូច្នេះគេពុំដឹង ថា ទីតាំងប្រមូលកន្ទុយលេខដ៏ធំរបស់ ឧកញ៉ា អ៊ូ ឆាយ ដែលស្ថិតនៅខាងក្រោយ ស្ថានីយប្រេងស៊ីគីម៉ិច និងតាមច្រក ចូលភូមិកោះនរារ សង្កាត់ច្បារ អំពៅ២ ខណ្ឌច្បារអំពៅ បើកទទួលយកជាចំហ ដោយមិនខ្លាចញញើតសមត្ថកិច្ចមាន ច្បាប់ឬអត់ច្បាប់នោះទេ ព្រោះចាប់ពី ម៉ោងជិង៤រសៀលមានអ្នកឡើងលុយដ៏ ប្រសេកប្រសាចដូចហែរកឋិន ។
ដោយឡែកឧកញ៉ា អ៊ូ ឆាយ នគរសន្តិភាព មិនអាចទាក់ទងបានដែរនារសៀលថ្ងៃ ដដែលនេះ ដោយទូរស័ព្ទចូលគ្មានអ្នក ទទួល។
ប្រជាពលរដ្ឋបានរិះគន់ថា កន្លងទៅ សមត្ថកិច្ចរួមទាំងអាជ្ញាធរផងដែរតែង តែបានលើកឡើងពីគោលនយោបាយ ភូមិ-សង្កាត់មានសុវត្ថិភាព ក្នុងនោះក៏ មានរៀបចំជាវេទិការសាធារណៈតាម មូលដ្ឋានឱ្យមានការសំណូមពរពីប្រជា ពលរដ្ឋដល់អាជ្ញាធរដើម្បីបង្ក្រាបបទ ល្មើសផ្សេងៗ ពិសេសបញ្ហាបនល្បែង ស៊ីសង ប៉ុន្ដែជាក់ស្ដែងទីតាំងប្រមូល ការចាក់កន្ទុយលេខដ៏ធំរបស់ឧកញ៉ា អ៊ូ ឆាយ នៅសង្កាត់ច្បារអំពៅ២ ហាក់គ្មាន សមត្ថកិច្ចនិងអាជ្ញាធរអើពើ ដែលពួក គាត់មិនដឹងថា ឧកញ៉ា អ៊ូ ឆាយ មាន ឥទ្ធិពលអំណាច បើកលក់កន្ទុយលេខ ផ្ដាច់មុខនៅរាជធានីភ្នំពេញមានច្បាប់ ទម្លាប់ ឬអាជ្ញាធរ សមត្ថកិច្ចពាក់ព័ន្ធ បានប្រយោជន៍ពីឧកញ៉ា អ៊ូ ឆាយ ដើម្បី បិទបាំងទីតាំងបនល្បែងដ៏ធំនេះឬមួយ យ៉ាងណាទេ?
ប្រជាពលរដ្ឋបានបន្ដថា ប្រសិនបើ អ្នកធំ ឬមានអំណាចស្ដុកស្ដម្ភកើតចេញ ពីការប្រកបមុខរបរបើកបនល្បែងស៊ី សងវិញមែននោះ ពិតជាពុំមានសេចក្ដី ថ្លៃថ្នូរក្នុងសង្គម អាចនិយាយបានថា ការ បើកបនល្បែងដោយខុសច្បាប់ជាចេតនា បំពានច្បាប់និងមាក់ងាយដ៏ធ្ងន់ធ្ងរមក លើសមត្ថកិច្ចនិងអាជ្ញាធរពាក់ព័ន្ធ ។
គួររំលឹកថា កន្លងទៅកន្លែងលក់ កន្ទុយលេខតូចៗប្រឈមនឹងការបង្ក្រាប ញឹកញាប់ តែដោយឡែកទីតាំងរបស់ ឧកញ៉ា អ៊ូ ឆាយ ពិតជាអស្ចារ្យដែរ…៕
