ខេត្តព្រះសីហនុ ៖ យោងតាមប្រភពព័ត៌មានពីមន្ត្រីព្រឹក្សាខេត្តបានលូចបង្ហើបឲ្យដឹងថា ក្រុមអ្នកចាក់ដីរំលោភបំពានយកដីសមុទ្រមួយកន្លែង នៅតំបន់ទំនប់រលក ក្រោយពីអាជ្ញាធរខេត្តចេញបញ្ជារយ៉ាងម៉ឺងម៉ាត់ ឲ្យធ្វើការបញ្ឈប់សកម្មភាព នៃការដឹកដីចាក់លុបសមុទ្រ និងតំរ៉ូវឲ្យធ្វើកិច្ចសន្យាកាយយកដី ដែលចាក់នោះចេញឲ្យអស់ពីក្នុងសមុទ្រវិញផងដែរនោះ គេពិនិត្យឃើញថា ក្រុមអ្នកចាក់ដីទាំងនោះ ដូចជាមិនមានបំណងកាយយកដីនោះ ចេញវិញ តាមកិច្ចសន្យាទេ តែផ្ទុយទៅវិញ បែរជាមានការលិចឡើងថា ក្រុមអ្នកចាក់ដីល្មើសច្បាប់រូបនោះ កំពុងរត់រកជំនូយពីមន្ត្រីថ្នាក់ធំដើម្បីធ្វើការសំរបសំរូល ក្នុងគោលដៅធ្វើយ៉ាងណាឲ្យបានគ្រប់គ្រងនិងសាងសង់ផ្ទះលើទីតាំង ដែលជាក់ដីនោះឲ្យខានតែបានទោះបីជាត្រូវប្រើគ្រប់រូបភាពណាក៍ដោយ។
ដោយឡែក សំរាប់ឯកឧត្តម ឈិត សុខុន អភិបាលនៃគណៈអភិបាលខេត្តព្រះសីហនុ ដែលកំពុងមានប្រជាប្រិយភាព ពីប្រជាពលរដ្ឋស្រឡាញ់ និងគោរពវិញនោះ ជុំវិញបញ្ហារអន្តរាគមន៍ បែបរំលោភបំពានច្បាប់ រូបគាត់មិនគាំទ្រដាច់ខាតពោល គឺគោលបំណងធ្វើយ៉ាងណាឲ្យប្រជាពលរដ្ឋគ្រប់រូបយល់ដឹងពីច្បាប់ចេះគោរព និងអនុវត្តច្បាប់គ្រប់ៗគ្នា ដើម្បីរូមគ្នាលុបបំបាត់នៅភាពអសកម្មទាំងឡាយណា ដែលកន្លងមកបង្ករផលប៉ះពាល់សណ្តាប់ធ្នាប់ និងការអភិវឌ្ឍសង្គមជាតិ ក្នុងពេលបច្ចុប្បន្ននិងថ្ងៃអនាគត់ ដែលផ្តើមចេញពីអំពើឃុបឃិតគ្នាប្រព្រត្តិអំពើពុករលូយ រំលោភបំពានច្បាប់ ។ ជាមួយគ្នានេះ ដើម្បីបញ្ជាគ្រប់យ៉ាង ជាពិសេសវប្បធម៌អន្តរាគមន៍ ផ្ទុយពីផ្លូវច្បាប់ ថ្នាក់ដឹកនាំអាជ្ញាធរបានចេញបញ្ជារជាបន្ទាន់ឲ្យលោក ហេង សំអាន អភិបាលរងខេត្តដឹកនាំកំលាំងចំរុះ ចុះទៅធ្វើការបញ្ជារគ្រឿងចក្រ កាយដីដែលក្រុមល្មើសចាក់ចូលសមុទ្រយកចេញពីសមុទ្រឲ្យអស់មិនពន្យាពេលតទៅទៀតឡើយ ក្នុងគោលដៅធ្វើយ៉ាងណា ឲ្យឆ្នេរសមុទ្រត្រង់ចំណុចនោះ វិលទៅរកសភាពដូចដើមវិញ ។
ឯកឧត្តម ហេង សំអាន អភិបាលរងខេត្តព្រះសីហនុបានមានប្រសាសន៍ ខណៈពេលលោកចុះទៅបញ្ជាគ្រឿងចក្រកាយដី នៅព្រឹកថ្ងៃទី១៧ ខែឆ្នូ ឆ្នាំ២០១៤ ប្រាប់ឲ្យដឹងថា ការចុះកាយដីនៅទីតាំងខាងលើនេះ ស្របពេលដែលអ្នកចាក់ដីប្រព្រឹត្តិខុសច្បាប់ត្រូវបានឯកឧត្តមអភិបាលខេត្តបញ្ជាអោយកាយយកចេញវិញទាំងអស់ ពីព្រោះតំបន់ នេះជាតំបន់ហាមដាច់ខាត មិនអោយមានការចាក់ដី ឬសាងសង់សំណង់ថ្មីនោះឡើយ ហើយបញ្ហានេះ អាជ្ញាធរខេត្តបានចេញសេចក្តីជូនដំណឹងអោយបានជ្រាបរួចមកហើយផងដែរ ។
ឯកឧត្តម ហេង សំអាន បានបន្តទៀតថា ប្រជាពលរដ្ឋដែលរស់នៅទីនេះអាចរស់នៅបានជាមួយនិងសំណង់ចាស់ដែលមានស្រាប់ដោយអាជ្ញាធរមិនអនុញ្ញាតដាច់ខាត់ មិនអោយមានការចាក់ដីលុបសមុទ្រ ឬសាងសង់សំណង់ថ្មីនោះឡើយ ពោលគឺតំបន់នេះបើក ទោះជាធ្វើការសុំច្បាប់ថ្មីក៏មិនអនុញ្ញាត ដែលហើយសំណង់ចាស់បើសិនជាមានការរុះរើក៏មិនអនុញ្ញាតអោយធ្វើការសាងសង់ឡើងវិញជាថ្មីដែរ ។
វាជារឿងគូរចាប់អារម្មបំផុតសំរាប់ប្រជាពលរដ្ឋទូទៅ នៅពេលគេមើលឃើញពីគោលជំហរ របស់ថ្នាក់ដឹកនាំខេត្ត មិនទន់ជ្រាយ ក្នុងការអនុវត្តច្បាប់ជាមួយនិងក្រុមជនល្មើសចាក់ដីខាងលើ ។ ចំណាត់ការរបស់ថ្នាក់ដឹកនាំអាជ្ញាធរខេត្តនាពេលនេះ គឺជាការព្រមានដ៍ធំមួយទៅដល់ជនខិលខូចផ្សេងៗទៀត ដែលកំពង់មានបំណង់ប្រព្រឹត្តអំពើខុសឆ្គង រំលោភបំពានលើផ្លូច្បាប់ ជាពិសេសគឺវប្បធម៌អន្តរាគមន៍ និងការឃុបឃិតគ្នាប្រព្រត្តិពើពុករលួយ ដែលសង្គមជាតិស្អប់ខ្ពើម ។
គួរបញ្ជាក់ផងដែរថា កន្លងមកថ្មីៗនេះ អាជ្ញាធរខេត្តបានចេញលិខិតជូនដំណឹងលេខ ៣០៤ ចុះថ្ងៃ២៦ ខែមិថុនា ឆ្នាំ២០១៤ ស្តីពីការរៀបចំថែរក្សាបរិស្ថាន និងសណ្តាប់ធ្នាប់អនាម័យ និងស្តីពីការហាមឃាត់នៅការសាងសង់សំណង់ថ្មីផ្សេងៗ គ្រប់ប្រភេទ នៅក្នុងតំបន់ទំនប់រលកខាងលើនេះរូចហើយ ដោយលិខិតនេះ តំរូវអោយមន្ត្រីអង្គភាពពាក់ព័ន្ធ ជាពិសេសអាជ្ញាធរ មូលដ្ឋាន ភូមិ សង្កាត់ ចុះធ្វើការផ្សព្វផ្សាយអោយបានទូលំទូលាយ ក្នុងគោលដៅអោយប្រជាពលរដ្ឋរស់នៅតំបន់ខាងលើបានជ្រាប និងរួមគ្នាអនុវត្តច្បាប់ផងដែរ ។
ប៉ុន្តែអ្វីដែលគូរចាប់អារម្មបំផុតនោះ គឺជុំវិញលិខិតជូនដំណឹងរបស់សាលាខេត្តខាងលើនេះ លោក ឈិត សុផាត ជាចៅសង្កាត់លេខ ១ ដែលជាថ្នាក់ដឹកនាំអាជ្ញាធរមូលដ្ឋានផ្ទាល់ បែរជាឆ្លើយថា លោកមិនបានដឹងមិនបានឃើញលិខិតខាងលើនេះទៅវិញ ។ នេះជាការឆ្លុះបញ្ចាំងឲ្យឃើញច្បាស់ពីការមិនទទូលខុសត្រូវ របស់លោក ឈិត សុផាត ជាចៅសង្កាត់យ៉ាងពិតប្រាកដ ។ បច្ចុប្បន្ន ដោយសារភាពមិនទទូលខុស បែបនេះ បានធ្វើឲ្យបទល្មើសនៃការសាងសង់ផ្ទះលើសមុទ្រ ក៏ដូចជាចាក់ដីលុបសមុទ្រតំបន់ទំនប់រលក់ចេះតែកើតមានជាហូរពីមួយកន្លែងទៅមួយ កន្លែងបានយ៉ាងរលូន គ្មានការទប់ស្កាត់ ។ បទល្មើសដែលបានកើតឡើងនេះ ត្រូវបានគេសង្ស័យថា វាជាអំពើឃុបឃិតគ្នាប្រព្រត្តិអំពើពុករលូយយ៉ាងស៊ីសង្វាក់រវាងជនល្មើស និងថ្នាក់ដឹកនាំ អាជ្ញាធរមូលដ្ឋាននេះតែម្តង ។ អ្វីដែលបានលើឡើងខាងលើនេះ គ្រាន់តែជាការរំលឹកខ្លះៗ ទៅដល់ថ្នាក់ដឹកនាំអាជ្ញាធរខេត្តឲ្យបានដឹងនិងជ្រាបតែប៉ុណ្ណោះ ដើម្បីមានវិធានការតាមផ្លូវច្បាប់ ចំពោះជនពាក់ពន្ធ័យកទៅផ្តន្ទាទោស ធ្វើជាគំរូរដល់មន្ត្រីខិលខូចក្រោយៗទៀត ឲ្យមានការភ្ញាក់រំលឹក ៕
