ភ្នំពេញ ៖ នៅថ្ងៃទី១០ គុម្ភៈនេះ អ្នកឈួន ស្រីម៉ៅ បានវេចបង្វិចទៅតាមស្វាមី នៅអាមេរិក ហើយ ក្រោយពីបានរៀបការអស់រយៈពេលជាង២ ។ ការសម្រេចចិត្តចាកចេញពីវិថីសិល្បៈរបស់ស្រីម៉ៅ ដែលកំពុងតែកាក់កប មើលទៅហាក់បីដូចជាមិនទាន់ស្កប់ស្កល់នឹងសិល្បៈនៅ ឡើយ។
អ្នកនាង ឈួន ស្រីម៉ៅ បានរៀបការជាមួយលោកអ៊ុំ ម៉ាន់ឌី វ័យ៣០ឆ្នាំជាង ដែលរស់នៅរដ្ឋមូនីសូតា សហរដ្ឋអាមេរិក ដែលមានមុខរបរជាអ្នករៀបចំភ្លេង និងតន្ត្រីសម័យដ៏មានឈ្មោះល្បីនៅទីនោះផងដែរ។ ពីរខែជាងមកហើយតាំងពីអនិកជនរូបនោះបានមករៀបការជាមួយតារាចម្រៀង ឈួន ស្រីម៉ៅ គឺមិនសូវបាននៅជុំគ្នានោះទេ ព្រោះតែម្នាក់ៗនៅជើងមេឃម្ខាងម្នាក់។ ទើបតែអំឡុងពេលនេះទេ ដែលស្ថានទូតអាមេរិកប្រចាំនៅស្រុកខ្មែរ បានផ្តល់សិទ្ធិឲ្យតារាចម្រៀង ឈួន ស្រីម៉ៅ ចេញទៅរស់នៅអាមេរិកតាមស្វាមីដែលបានចាកចេញទៅទីនោះវិញ ក្នុងន័យបានជួបជុំគ្នាឡើងវិញ ក្នុងនាមជាស្វាមីភរិយាត្រូវសាងសង្គមគ្រួសារថ្មី៕
