នៅទីបញ្ជាការងសឹកខេត្តព្រះសីហនុថ្ងៃទី ១០ ខែកុម្ភៈ ឆ្នាំ២០១៥ បានបូកសរុបលទ្ធផលការងារយោធាឆ្នាំ២០១៤ និងផ្សព្វផ្សាយទិសដៅការងារឆ្នាំ២០១៥ របស់តំបន់ប្រតិបត្តិ ការសឹករងខេត្តព្រះសីហនុ ក្រោមអធិបតីភាព ឯកឧត្តម ឧត្តមសេនីយ៌ឯក យឿន សុខុន មេបញ្ជាការរងកងទ័ពជើងគោក និងជាមេបញ្ជាការយោធភូមិភាគទី៣ ឯកឧត្តម សំ សំអាត អភិបាលរងខេត្តព្រះសីហនុ និងឯកឧត្តម ជាម ហ៊ីម ប្រធានក្រុមប្រឹក្សាខេត្តព្រះសីហនុ ។
បន្ទាប់ពីអានរបាយការណ៍បូកសរុបលទ្ធផលការងារយោធាឆ្នាំ២០១៤ រួចមក ឯកឧត្តម ឧត្តមសេនីយ៌ឯក យឿន សុខន បានមានប្រសាសន៌កោតសរសើរចំពោះស្នាដៃដែលអង្គ ភាពបានបំពេញការងារកន្លងមកទទួលបានលទ្ធផលល្អ ក្នុងការអនុវត្តគោលនយោបាយកម្មវិធី ឈ្នះឈ្នះរបស់រាជរដ្ឋាភិបាលកម្ពុជា ដែលមានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ធ្វើឪ្យយើងទទួលបាននូវជ័យជំនះយ៉ាងធំធេងនៅទូទាំងប្រទេសកម្ពុជាប្រកបដោយសុខសន្តិភាពពេញលេញ ឯកភាពជាតិ និងការចូលរួមអភិវឌ្ឍនប្រទេសជាតិមានការរីកចំរើនឥតឈប់ឈរ ចាប់ពីទីប្រជុំជន រហូតដល់ជនបទ ។
ឯកឧត្តមបានបន្តថា រាជរដ្ឋាភិបាលកម្ពុជាអាណត្តិទី៥ និងគោលដៅ៤ចំណុច គឺ ទឹក ភ្លើង ផ្លូវ និងធនធានមនុស្សប្រកបដោយគុណភាព មិនអាចខ្វះបានដោយមានការចូលរួមពីអស់លោកជានាយ នាយរង និងពលទាហាន និងវិស័យឯកជនក្នុងការស្តារ និងអភិវឌ្ឍយ៉ាងខ្លាំងខ្លារនៅលើគ្រប់វស័យទូទាំងប្រទេស ។ ម្យ៉ាងវិញទៀតទិសដៅឆ្នាំ២០១៥ ត្រូវចូលរួមក្នុងភូមិ ឃុំមានសុវត្ថិភាព ជាពិសេសចូលរួមការពារនៅតាមខ្សែបន្ទាត់ព្រំដែនខេត្តកោះកុង ត្រៀមរៀបចំការពារក្នុងភូមិសាស្ត្រឪ្យមានសន្តិសុខ ធានានូវសុវត្ថិភាពជូនប្រជាពលរដ្ឋកាន់តែល្អបន្ថែមទៀត ។
លោក សំ សំអាត អភិបាលរងខេត្តព្រះសីហនុ បានមានប្រសាសន៌ផ្តាំផ្ញើសាកសួរសុខទុកដល់នាយ នាយរង និងពលទាហានដែលបាននឹងកំពុងបំពេញការងារ តាមតួនាទី ភារកិច្ចបានល្អ រួមចំណែកការពារជាតិ មាតុភូមិ ការខិតខំពង្រឹងការងារនៅក្នុងអង្គភាព បន្តកិច្ចសហប្រតិបត្តិការជាមួយអង្គភាពពាក់ពន្ធ័សាមគ្គីភាពក្នុងអង្គភាពឪ្យកាន់តែរឹងមាំ ប្រសិនបើអង្គភាពបែកបាក់ អង្គ ភាពមិនមានការរីកចំរើន បន្តចូលរួមការដាំដុះបន្លែរួមផ្សំ ចិញ្ចឹមសត្វ ចិញ្ចឹមត្រី ដើម្បីបង្កើនជីវភាពរស់នៅក្នុងអង្គភាព ម្យ៉ាងទៀតត្រូវគ្រប់គ្រងកម្លាំងទព័ឪ្យមានវិន័យថ្លៃថ្នូរ និងត្រូវបើកវគ្គហ្វឹកហ្វឺនជាប្រចាំដើម្បីបង្កើននូវក្បួនប្រយុទ្ធ ការគ្រប់គ្រងអាវុធ ក្រៅពីការហ្វឹកហ្វឺនជំនាញ ត្រូវចូលរួមសិក្សានូវជំនាញបច្ចេកទេសបន្ថែមទៀត ដើម្បីឪ្យកម្លាំងមានសមត្ថភាព កម្លាំងមាំមួននៅក្នុងមូលដ្ឋាន ។
បន្ទាប់មកក៌បានប្រគល់មុខតំណែង និងប្រគល់សេចក្តីសម្រេច ដល់នាយ នាយរង ពលទាហាន និងបំពាក់ឋានន្តរសក្តិដល់នាយទាហានចំនួន០៩នាក់ បំពាក់គ្រឿងឥស្សរិយសចំនួន០៣នាក់ ប្រគល់បណ្ណ័សរសើរនិងលិខិតសរសើរជូនដល់អង្គភាពដល់នាយ នាយរង និងពលទាហានជាច្រើននាក់ផងដែរ ៕
