ភ្នំពេញ៖ មិនទាន់ផុតទុក្ខករណីប្អូនស្រី ត្រូវក្រុមចោរឆក់ខ្សែក បណ្តាលឲ្យដួលបោកក្បាលរបួសធ្ងន់ផងនេះ ពេលនេះ ត្រូវបានលោក ចែម វុឌ្ឍសុវីនដែលជាគណៈកម្មការកំពូលតារា បង្ហាញម៉ូតបានវាយបកយ៉ាងចាស់ដៃ ចំពោះការចេញមុខតវ៉ាចំពោះបេក្ខជនម្នាក់ដែលត្រូវ បានជំរុះឲ្យធ្លាក់ចេញពីការប្រកួត ដែលចន ច័ន្ទលក្ខណាបានស្រែកថា អយុត្តិធម៌នោះ ។
លោក ចែម វុឌ្ឍសុវីន ដែលជាគណកម្មការមួយរូបក្នុងកម្មវិធីនិងជាអ្នកថតរូបដ៏ល្បីល្បាញជាមួយបទពិសោធន៍ រាប់សិបឆ្នាំ និងជាថៅកែហាងថតរូបមួយកន្លែងផងដែរ លោកបាននិយាយចំៗ ចំពោះអ្នកនាង ចន ច័ន្ទ លក្ខិណា ថា លោកបានស្គាល់កញ្ញា ស្រីម៉ៅ តាំងពីចូលប្រឡូកក្នុងអាជីពបង្ហាញម៉ូដដំបូងៗមកម្ល៉េះ ។ កាលនោះ ចន ច័ន្ទ លក្ខិណា មិនស្គាល់ថា ស្រីម៉ៅ ជាអ្នកណានៅឡើយផង ។ លោកជាអ្នកគាំទ្រ ស្រីម៉ៅ និង ជំរុញស្រីម៉ៅ ឲ្យដើរទៅមុខជានិច្ច។
តែក្នុងនាមលោកជាគណកម្មការ លោកមិនអាចយកការស្រឡាញ់ផ្ទាល់ខ្លួន ទៅកាត់សេចក្ដី ចំពោះអ្នកប្រកួតឡើយ ។
លោកបានបន្តថា លោកមិនបានលំអៀងលើ កញ្ញាគង់ការ ឡើយ ព្រោះលោកមិនចូលចិត្តគង់ការ តែគង់ការធ្វើបានល្អ ច្រើន ។ ចន ច័ន្ទលក្ខិណា មិនមែនអ្នកជំនាញ ពិតប្រាកដឡើយ ដូចនេះ ចន ច័ន្ទលក្ខិណា មិនគួរវាយប្រហារកម្មវិធី បែបនេះឡើយ។
ចំណែកអ្នកនាង ចន ច័ន្ទលក្ខិណា បន្ទាប់ពីបានស្ដាប់ឮ និង មើលឃើញការវាយបកព្រមៗគ្នា អ្នកនាង មិនបានតបតអ្វី ច្រើនឡើយ ព្រោះអ្នកនាង បានធ្វើអ្វីដែលនាងចង់ធ្វើ និង និយាយអ្វីដែលអ្នកនាង ចង់និយាយរួចទៅហើយ។ អ្នកនាង ចន ច័ន្ទលក្ខិណា បាននិយាយថា គេនិយាយវាយបកដើម្បីការពារមុខបររកស៊ីជារឿងរបស់គេ ព្រោះគេចង់ឲ្យកម្មវិធីនៅ តែបន្តទៅមុខទៀត ។ តែអ្នកណាបានធ្វើអីដឹងខ្លួន ច្បាស់ណាស់មិនចាំបាច់ និយាយច្រើនឡើយ ។ អ្នកនាងពេលនេះ កំពុងស្ថិតនៅប្រទេសវៀតណាម ហើយកំពុងធ្វើដំណើរមកកម្ពុជា ដែលបងប្អូននាង ត្រូវផ្លាស់ប្ដូរគ្នា ដើម្បីមកមើលជំងឺ ប្អូននាង៕
