ខេត្តព្រះសីហនុៈ ឯកឧត្តមអគ្គស្នងការនគរបាលជាតិ ស្នើរជំរុញដល់អណះអភិបាលខេត្តនិង ស្នងការនគរបាលខេត្ត ត្រូវពង្រឹងឡើងវិញនូវបញ្ហាប្រឈមចំនួន២ធំៗ ដែលកំពុងកើត មាន នៅលើទឹកដីខេត្តព្រះសីហនុដែលជាខេត្តទេសចរណ៍ និងជាប៉ូលសេដ្ឋកិច្ចទី៣នៃព្រះ រាជាណាចក្រកម្ពុជា។
មានប្រសាសន៏នៅក្នុងពិធីបូកសរុបការងារប្រចាំឆ្នាំរបស់ស្នងការនគរបាលខេត្ត នាព្រឹកថ្ងៃទី១១មិនាឆ្នាំ២០១៥ ឯកឧត្តម នាយឧត្តមសេនីយ៍ នេត សាវឿន អគ្គស្នងការនគរបាលជាតិ បានថ្លែងដោយសង្កត់ធ្ងន់ថា បើទោះបីខេត្តព្រះសីហនុ ទទួលបានបទល្មើសទាំងឧក្រិដ្ឋនិង មញ្ឃឹម ក៏ដូចជាបញ្ហាគ្រោះថ្នាក់ចរាចរណ៏ មានការថយចុះយ៉ាងណាក៏ដោយ ក៏ខេត្តព្រះសីហនុ នៅមានបញ្ហាប្រឈមចំនួន២ធំៗ គឺទី១ ប្រឈមជាមួយបងប្អូនប្រជាពលរដ្ឋ លើបញ្ហាបទល្មើស នា នា និង បញ្ហាគ្រោះថ្នាក់ ដោយសារតែពួកគាត់នៅមានការភ័យខ្លាចនូវបញ្ហាទាំងនោះ ដូចនេះក្នុងនាមអគ្គស្នងការនគរបាលជាតិ សូមស្នើរដល់គណះអភិបាលខេត្តព្រះសីហនុជាពិសេសស្នងការនគរបាលខេត្តព្រះសីហនុត្រូវបង្កើនការត្រួតពិនិត្យបន្ថែមទៀតលើបញ្ហាសន្តិសុខសាធារណះ ត្រួតពិនិត្យសុវត្តិភាពចរាចរណ៏ដើម្បី ធ្វើការណែនាំដល់ប្រជាពលរដ្ឋ គ្រប់ទីកន្លែងទាំងនៅជនបទនិង ទីប្រជុំជនក្រុង ក្នុងន័យបង្កើនការយល់ដឹងអោយបានស៊ីជម្រៅ ជៀសវាងករណីគ្រោះថ្នាក់ចរាចរណ៏ ដែលសព្វថ្ងៃកំពុងក្លាយជាបញ្ហាប្រឈមធំជាងគេនៅក្នុងសង្គមកម្ពុជា។បញ្ហាប្រឈមទី២ គឺ បញ្ហាជនបរទេសដែលកំពុងស្នាក់នៅក្នុងខេត្តព្រះសីហនុ សូមសមត្ថកិច្ចពាក់ព័ន្ឋជាពិសេសគណះបញ្ជាការឯកភាព ត្រូវធ្វើការត្រួតពិនិត្យ លើទិដ្ឋការស្នាក់នៅអោយបានម៉ត់ចត់ ថាតើជនបរទេសរូបនោះស្នាក់នៅកំពុងប្រកបរបសអ្វី ផុតសុពលភាព រឺ នៅសុពលភាពនៃការស្នាក់នៅ ប្រសិនបើពិនិត្យឃើញថា ការស្នាក់នៅផុតសុពលភាពនោះត្រូវចាត់វិធានការតាមផ្លូវច្បាប់ រឺ អាចធ្វើការបណ្តេញចេញបើពិនិត្យឃើញថាមានសភាពធ្ងន់ធ្ងរមិនអាចយោគយល់បាននោះ។ឯកឧត្តមបន្តថា លើសពីនេះទៀត គណះបញ្ជាការឯកភាពខេត្ត និង កំលំាងប្រដាប់អាវុធ ទាំងមន្ត្រីកងរាជអាវុធហត្ថ មន្ត្រីនគរបាលជំនាញ ក៏ដូចជាមន្ត្រីនគរបាលជើងទឹក ត្រូវរួមគ្នា សហការណ៏ ក្តាប់អោយបាននូវបញ្ហាសន្តិសុខជូនភ្ញៀវទេសចរណ៏ ដែលបានធ្វើតំណើរកំសាន្តនៅតាមកោះ នា នា ក្នុងក្រុងព្រះសីហនុ ម្យ៉ាងវិញទៀត សមត្ថកិពាក់ព័ន្ឋ ត្រូវសហការណ៏ជាមួយមន្ទីគមនាគមន៏ចុះត្រូតពិនិត្យវាយតម្លៃ ក្រុមហ៊ុនទេសចរណ៏ ទូក នាវាទេសចរណ៏ទាំងអស់ដែលកំពុងបំរើសេវាកម្មដល់ភ្ញៀវទេសចរជាតិ និង អន្តជាតិ នាពេលបច្ចុប្បន្ន។