ភ្នំពេញ៖ ក្រោយពីចំណង ស្នេហាអាថ៌កំបាំង របស់តារាសម្តែង ល្បីឈ្មោះជិត២០ឆ្នាំ អ្នកនាង ចន ច័ន្ទលក្ខិណា ត្រូវបានលាតត្រដាងឡើង ជាសាធារណៈ ដោយសារ តែគូស្នេហ៍ថ្មោងថ្មី របស់នាង បានយករូបភាពផ្អែមល្ហែម របស់ពួកគេ បង្ហោះពេញបណ្តាញ ទំនាក់ទំនងសង្គម Facebook ហើយនោះ ថ្មីៗនេះ ក៏មានព័ត៌មាន លេចឮទៀតថា ស្នេហារបស់ពួកនាង មិនត្រឹមតែ ជាគូស្នេហ៍ធម្មតាឡើយ ពោលគឺពេលនេះ ពួកគេ ទាក់ទងគ្នា រស់នៅជាមួយគ្នា ក្រោមដំបូលផ្ទះតែមួយ ប្រៀបដូចជា ប្តីប្រពន្ធទៅហើយ ។
បើតាមប្រភពពីអ្នក ធ្លាប់ស្គាល់បុរស អ្នកជំនួញគូសេ្នហ៍ របស់ អ្នកនាង ចន ច័ន្ទលក្ខិណា បានបង្ហើបថា បុរសគូស្នេហ៍របស់ នាង មានឈ្មោះថា ហេង រ័ត្ន ជាអ្នកជំនួញធម្មតាៗ មិនមែនជា អ្នកមុខអ្នកការ មានឋានៈ ធំដុំអ្វីឡើយ ។ បុរសម្នាក់នេះ ជាពោះម៉ាយ មានកូនស្រីម្នាក់ អាយុស្របាលនឹង កូនស្រីរបស់ ចន ច័ន្ទលក្ខិណា ដែរ និងបានរៀននៅ ក្នុងសាលាជាមួយគ្នា ទៀតផង ។ អ្វីដែលគួរឲ្យចាប់ អារម្មណ៍ខ្លាំងនោះ គូស្នេហ៍មួយគូនេះ បានផ្តើមស្នេហ៍ជាមួយគ្នា ជាង១ឆ្នាំហើយ ពួកគេ ក៏រស់នៅជាមួយគ្នា ដូចប្តីប្រពន្ធក្រោម ដំបូលផ្ទះតែមួយ ដើរលេងជាមួយគ្នា ទៅក្រៅប្រទេស ជាញឹកញាប់ផងដែរ ។
ប្រភពខាងលើ បានប្រាប់ឲ្យដឹង ក្នុងន័យដឹងយ៉ាង ច្បាស់ទៀតថា បុរសដែលជាគូស្នេហ៍ របស់តារាសម្តែង អ្នកនាង ចន ច័ន្ទលក្ខិណា គឺជាមនុស្សដែល មានចរិកឆាប់ ឆេវឆាវ ហើយពេលខឹងនឹង លក្ខិណា ម្ដងៗ បុរសនោះតែង បញ្ចេញកំហឹង រហូតចង់ផ្ទុះ ហឹង្សាទៀតផង ។ លើសពីនេះទៀត បុរសម្នាក់នោះ ត្រូវគេដឹងថា ក៏ជាប្រភេទមនុស្ស ដើរលើស្ពាន ហើយរុះស្ពានចោល ពោលអ្នកដែលធ្លាប់ ស្គាល់រូបគេដំបូង ហើយបានណែនាំ ឲ្យស្គាល់អ្នកផ្សេង គឺបុរសរូបនេះ តែងភ្លេចអ្នកចាស់ចោល និងអុចអាលឲ្យ មនុស្សថ្មីដែលស្គាល់ ស្អប់អ្នកចាស់ នោះទៀតផង។
យ៉ាងណាមិញ ទាក់ទងទៅនឹង ចំណងស្នេហ៍ថ្មី របស់អ្នកនាង ចន ច័ន្ទលក្ខិណា និងលោក ហេង រដ្ឋ ហៅ ឡុង បានធ្វើឲ្យទស្សនិកជន មានចម្ងល់យ៉ាងខ្លាំង ថាហេតុអីបានជា តារាស្រីរូបនេះ សម្រេចចិត្តស្រឡាញ់ និងសាងជីវិតរស់នៅ ជាមួយបុរស អ្នកជំនួញពោះម៉ាយ កូនមួយដូចគ្នា បែបនេះទៅវិញ? ៕
