ចិន៖ កាលពីលើកមុន ខ្មែរណូតធ្លាប់បានចុះផ្សាយម្តងហើយមក អំពី បុរស២នាក់ឪពុកកូនបង្កើតមនុស្សយន្ត TRANSFORMER ពីដែកអេតចាយ ឥលូវនេះមានបុរសម្នាក់ទៀតបានបង្កើត បង្កងយក្សមួយមានទំនង់២តោន ដោយប្រើពេលតែជាង២សប្តាហ៍។ ដើម្បីទាក់ទាញចំណាប់អារម្មណ៍ពីអតិថិជន បុរសម្នាក់រស់នៅតំបន់ Xuzhou ខេត្ត Jiangsu បានចំណាយពេល 15 ថ្ងៃ ក្នុងការបង្កើតបង្កងដ៏ធំមួយជាគំរូសម្រាប់ដាក់តាំងក្នុងភោជនីយដ្ឋានលក់បង្កងមួយ ។
នេះបើយោងតាមអ្នកកែច្នៃបង្កងនេះ លោក Zhang Heng បានអោយដឹងថាបង្កងនេះត្រូវបានធ្វើឡើងពីកង់ និងម៉ូតូ ចាស់ៗប្រើការលែងបាន ជិត 80 ភាគរយ ។ បង្កងយក្សនោះមាន កម្ពស់ប្រហែល ៤ម៉ែត្រ មានប្រវែង ៨ម៉ែត្រ និង មានទំងន់សរុបចំនួន ២ តោន។ រដូវកាលកាលនេះសម្បូរបង្កងខ្លាំងណាស់ ដូច្នេះម្ចាស់ភោជនីយដ្ឋានបានជួល លោក Zhang ដើម្បីធ្វើជាគំរូសំរាប់ទាក់ទាញអោយភ្ញៀវអោយមកសាកល្បង ញ៉ាំបង្កងពិសេសនៅភោជនីដ្ឋានគាត់ ។