ខេត្តព្រះសីហនុ៖មុខសញ្ញាជួញដូរគ្រឿងញៀនចំនួន ០៣នាក់ ត្រូវបានកងរាជអាវុធហត្ថសហការជាមយយកម្លាំងអាវុធហត្ថក្រុងព្រះសីហនុធ្វើការឃាត់ខ្លួន ពីបទជួញដូរគ្រឿងញៀនកាលពីវេលាម៉ោង ១៥ និង០នាទី ថ្ងៃទី៣១ ខែមេសា ឆ្នាំ២០១៥ នៅផ្ទះជួលមួយកន្លែងបន្ទប់លេខ០៤ ស្ថិតក្នុងក្រុម១៥ ភូមិ៣ សង្កាត់លេខ១ ក្រុងព្រះសីហនុ ។
លោកវរសេនីយត្រី ឆាយ វិន នាយការិយាល័យប្រឆាំងការជួញដូរគ្រឿងញៀន នៃកងរាជអាវុធហត្ថខេត្តព្រះសីហនុ បានឪ្យដឹងថា ដោយមានការបញ្ជាផ្ទាល់ពីលោកឧត្តមសេនីយត្រី ហេង ប៊ុនទី មេបញ្ជាការកងរាជអាវុធហត្ថខេត្តព្រះសីហនុ ឪ្យកម្លាំងជំនាញធ្វើការស្រាវជ្រាវ និងឈានទៅដល់ធ្វើការបង្ក្រាបបានមុខសញ្ញាជួញដូរគ្រឿងញៀនបាន០៣នាក់ នៅចំណុចខាងលើ ។ ជនសង្ស័យទី១មានឈ្មោះ ចាន់ មុន្នី ភេទប្រុស អាយុ៣២ឆ្នាំ ជនជាតិខ្មែរ មានមុខរបរមិនពិតប្រាកដមានទីលំនៅក្រុមទី១៥ ភូមិ៣ សង្កាត់លេខ១ ក្រុងព្រះសីហនុ ទី២ ឈ្មោះ ឌិន រត្ន័ ភេទស្រី អាយុ២១ឆ្នាំ ជនជាតិខ្មែរ មានទីលំនៅក្រុម១៥ ភូមិ៣ សង្កាត់លេខ១ ក្រុងព្រះសីហនុ និងទី៣ ឈ្មោះ ឌិន រ៉ា ភេទស្រី អាយុ២៤ឆ្នាំ ជនជាតិខ្មែរ មានទីលំនៅក្រុម១៥ ភូមិ៣ សង្កាត់១ ក្រុងព្រះសីហនុ ។
វត្ថុតាងដែលដកហូតបានរួមមាន ម្សៅពណ៌សថ្លា(ម៉ាទឹកកក)ចំនួន ០៤កញ្ចប់ជញ្ជីងថ្លឹង០១ ដែកកេះ៦ ដបជក់ថ្នាំញៀន១ បំពង់ហ្គាសឆ្នៃសម្រាប់ជក់ថ្នាំញៀន០១ ទូរសព្ទ័ដៃចំនួន ០៧គ្រឿង លុយខ្មែរ ៣០៧០០០រៀល ។
បច្ចុប្បន្នជនសង្ស័យ និងវត្ថុតាងត្រូវបានបញ្ជូនមកកាន់ទីបញ្ជាការកងរាជអាវុធហត្ថ ខេត្តព្រះសីហនុ ដើម្បីធ្វើការសាកសួរបន្ត នឹងធ្វើការស្រាវជ្រាវមុខសញ្ញាប្រើប្រាស់ ចែកចាយ ជួញដូរគ្រឿងញៀនបន្តទៀត ព្រមទាំងកសាងសំណុំរឿងបញ្ជូនទៅសាលាដំបូងខេត្តព្រះសីហនុ ចាត់វិធានការទៅតាមផ្លូចច្បាប់ ៕