ខេត្តព្រះសីហនុៈក្រុមហ៊ុន(ប៉ុលឈុនស៊ី.ហ៊ួអ៊ីនធើណេសិនណលហូរថេល)ដែលជាក្រុមហ៊ុនមានគំរោងសាងសង់សណ្ឋាគារលំដាប់ខ្នាតអន្តរជាតិ(ផ្កាយប្រាំ)នៅតំបន់ពយកំពេញស្ថិតនៅក្នុងភូមិលេខ១សង្កាត់លេខ៣ក្រុងព្រះសីហនុនោះបានដឹកដីរាប់ស៊ិបឡានចាក់លុបឆ្នេរខ្សាច់ដែលជាដីចំ
ណីឆ្នេរសមុទ្រសាធារណៈរបស់រដ្ឋទាំងរំលោភបំពានក្នុងគោលបំណងវាទីយកដីចំណីឆ្នេរចំណុចនោះធ្វើជាកម្មសិទ្ធិរបស់ខ្លូនជាហេតុបង្ករឲ្យមានការប៉ះពាល់យ៉ាងធ្ងន់ធ្ងរដល់សោភណ្ណ័ភាពនិងបរិស្ថានឆ្នេរដែលរាជរដ្ឋាភិបាលកំពុង យកចិត្តទុកដាក់ជំរុញអោយអាជ្ញាធរខេត្តការពារ និង អភិរក្ស។ប៉ុន្តែជុំវិញបញ្ហានេះត្រូវបានតំណាងក្រុមហ៊ុនធ្វើការអះអាងថាការចាក់ដីនេះខាងក្រុមហ៊ុនមានច្បាប់អនុញាត្តិត្រឹមត្រូវពីររាជរដ្ឋាភិបាលក្នុងការអភិវឌ្ឍន៍ធ្វើជាសូនច្បារនិងអាងហែលទឹកទៅវិញ ។
.លោកអ៊ីធារិននាយករងការរិយាល័យអន្តរវិស័យសាលាខេត្តព្រះសីហនុបានធ្វើការបញ្ជាក់ថាការចាក់ដីលុបឆ្នេរសមុទ្ររបស់ក្រុមហ៊ុនខាងលើនេះវាជារឿងមិនត្រឹមត្រូវទេពីព្រោះចំណុចដែលកំពង់ចាក់ដីនេះវាជាដីចំណីឆ្នេរសមុទ្រនៅចំពោះមុខអាជ្ញាធរខេត្តព្រះសីហនុបានដាក់បទបញ្ជារឲ្យក្រុមការងាររបស់លោកនៅរសៀលថ្ងៃទី៣១ខែមិនាឆ្នាំ២០១៥ចុះមកពិនិត្យជាក់ស្តែងដើម្បីធ្វើការហាមឃាត់ជាបណ្តោះអាសន្នដោយមិនអនុញាត្តិឲ្យធ្វើសកម្មភាពចាក់លុបឆ្នេរសមុទ្របន្តទៀតនោះទេ។
.ជាមួយគ្នានេះក្រុមមន្រ្តីរបស់សាលាខេត្តដែលចុះមកពិនិត្យបាននិយាយបញ្ជាក់យ៉ាងច្បាស់ថាជុំវិញបញ្ហារខាងលើនេះភាគីក្រុមហ៊ុនអាចដំណើរការចាក់ដីវិញបានលុះត្រាតែអាជ្ញាធរខេត្តពិនិត្យឃើញថាមានច្បាប់អនុញាត្តិត្រឹមត្រូវដូចការអះអាងរបស់ភាគីក្រុមហ៊ុនប៉ុន្តែរបើក្រុមហ៊ុនមិនមានច្បាប់ទេនោះដីដែលដឹកចាក់លុបសមុទ្រទាំងប៉ុន្មានត្រូវតែកាយចេញវិញឲ្យអស់ហើយរក្សានៅស្ថានភាពដើមរបស់ឆ្នេរវិញ។
.លោកប្រាក់កេតមន្រ្តីភូមិបាលក្រុងព្រះសីហនុបានប្រាប់ឲ្យដឹងផងដែរថាដីចំណុចនេះក្រុមហ៊ុន(ប៉ុលឈុនស៊ី.ហ៊ួអ៊ីនធើណេសិនណលហូរថេល)មានប្លង់កម្មសិទ្ធិកាន់កាប់ស្របច្បាប់ប៉ុន្តែរប្លង់នោះមិនមានវិសាលភាពទៅធ្វើការគ្រប់គ្រងដល់ឆ្នេរសមុទ្រនោះឡើយពីព្រោះព្រំប្រទល់នៃប្លង់កម្មសិទ្ធិដែលក្រុមហ៊ុនមានខាងលើនោះគឺស្ថិតនៅផ្នែកខាងលើនៃឆ្នេរគំលាតយ៉ាងតិចប្រវែងពី២៥ទៅ ៣០ម៉ែត្រដែរដូចនេះភាគីក្រុមហ៊ុនគូរតែធ្វើអ្វីៗនៅលើតែដីដែលជាកម្មសិទ្ធិរបស់ខ្លូនទៅវាមិនមានបញ្ហារនោះទេ។
ទាក់ទិនជុំវិញបញ្ហាខាងលើនេះ ប្រជាពលរដ្ឋនៅក្នុងខេត្តព្រះសីហនុ អាស្រ័យផលពីភ្ញៀវទេសចរណ៏ មកកំសាន្តនៅឆ្នេរសមុទ្រក្រុងព្រះសីហនុ បានរិះគន់ដល់សាម៉ីមន្ទីរ ពាក់ព័ន្ឋនឹងសំណូមពរដល់ឯកឧត្តមរដ្ឋមន្ត្រីក្រសួងបរិស្ថាន ចាត់វិធានការទៅលើក្រុមហ៊ុនខាងលើនេះ ដែលចាក់ដីរំលោភចូលក្នុងដែនឆ្នេរសមុទ្រ ៕
