ចិន៖ នេះគឺជសោកនាដកម្ម មួយបានកើតឡើង សម្រាប់សមាជិក គ្រួសារទាំង ៧ នាក់នេះ ដែលពួកគេបាន លង់ទឹក ស្លាប់ទាំងអស់គ្នា ខណៈពេលដែលពួកគេចុះជួយកូនស្រី របស់ខ្លូន ដែលធ្លាក់ចូលទៅក្នុងទឹក។ តាមប្រភពពត៌មាន បានអោយដឹងថា ហេតុការណ៍នេះ បានកើតឡើង ពេលដែលគ្រួសាររងគ្រោះបាន នាំគ្នាទៅសែនផ្នូរដូនតា របស់ខ្លួន នៅឯទីក្រុង Shantou ភាគខាងត្បួងនៃ ខេត្ត Guangdong ។ នៅពេលនោះ ក្មេងស្រីម្នាក់ អាយុ ១៧ ឆ្នាំ បានចុះទៅ លាងដៃ នៅក្នុងអាងស្តុបទឹកមួយ នៅក្បែរនោះ ស្រាប់តែធ្លាក់ចូលទៅក្នុងទឹកតែម្តង។
ភ្លាមៗនោះដែរ សមាជិកគ្រួសារឯទៀត ដោយឃើញកូនស្រីលង់ទឹកយ៉ាងនេះហើយ ក៏ពួកគេបានកាន់ដៃបន្តគ្នា ដើម្បីទាញនាងឡើងមកលើគោក ហើយក្នុងចំនោមទាំង ៧ នាក់ គ្មាននរណា ចេះហែលទឹកឡើយ ដូច្នេះជា លទ្ធផល ពួកគេបានធ្លាក់ចូលទៅក្នុងទឹក និងលង់ស្លាប់ទាំងអស់គ្នា ។ ក្រុមជួយសង្រ្គោះ បានមកដល់កន្លែងកើតហេតុ ប៉ុន្តែវា ហួសពេលអស់ទៅហើយ ។
ក្រុមអ្នកជួយសង្រ្គោះបានឲ្យដឹងថា ពួកគេបានទទួលព័ត៌មាននេះពីអ្នកភូមិ ដែលបានឃើញហេតុការណ៍ផ្ទាល់ភ្នែកនៅ ច្រាំងម្ខាងទៀត ប៉ុន្តែពេលនោះ ពួកគេមិនអាចជួយសង្រ្គោះជនរងគ្រោះទាំង ៧ នាក់នោះបានឡើយ ។ គេបានកំនត់ អត្តសញ្ញានជនរងគ្រោះ ដែលបានស្លាប់ថា ជាបងប្អូនបង្កើត ៣ នាក់ ដែលមានក្មេងស្រី អាយុ ១៧ឆ្នាំ និង ១៣ ឆ្នាំ រួមទាំងក្មេងប្រុស អាយុ ១៥ ឆ្នាំ ជាមួយនឹង ម្តាយឪពុក ពូមីងរបស់នាង បានលង់ទឹកស្លាប់ទាំងអស់។
ចំនែកឯអជ្ញាធរ ប្រចាំតំបន់នោះ បានឲ្យដឹងថាពួកគាត់នឹងរកវិធីការពារអាងស្តុកទឹកនេះ ធ្វើយ៉ាងណាកុំឲ្យមាន ហេតុការណ៍នេះ កើតឡើងជាថ្មីម្តងទៀតផងដែរ៕