ព័ត៌មានថ្មី
លោក ខាត់ សារ័ត្ន នាយប៉ុស្តិ៍នគរបាលអន្តោប្រវេសន៍ច្រកទ្វារអន្តរជាតិបាវិត ហ៊ានប្រើតួនាទី និងអំណាចប្រមូលលុយតាមរបៀបពុករលួយដោយគ្មានញញើត -@- ឧត្តមសេនីយ៍ឯក រ័ត្ន ស៊្រាង ជួយរំលែកការលំបាក ដល់អតីតអ្នករួមការងារនាសម័យរដ្ឋកម្ពុជា! -@- សង្ស័យលោកយិន សាន្ត អធិការខណ្ឌ និងលោកកៀង លក្ស័អភិបាលខណ្ឌចំការមនគប់គឹតក្នុងការបើកបនល្បែងហ្គេមបាញ់ត្រីក្នុងផ្សារផ្លាហ្សាបឹងត្របែកផ្គើនបំរាមរដ្ឋាភិបាល? -@- ល្បែងសុីសង អនឡាញNETបើកលេងវិញយ៉ាងរំភើយ ជ្រកក្នុងផ្ទះលក់ចាប់ហួយជាប់ផ្ទះលេខ១១២ ត្រង់ចំណុចក្បែរស្តុបក្នុងភូមិក្បាលទំនប់សង្កាត់បឹងទំពខណ្ឌមានជ័យក្រុងភ្នំពេញ អាជ្ញាធរអត់ខ្វល់គោរព អនុវត្តបទបញ្ជាសម្តេចតេជោ -@- លោក នូ សុ​វណ្ណា ប្រធាន​ស្ថានីយ៍​ជញ្ជីង​ថ្លឹង​រថយន្ត​មានជ័យ ជា​ប្រភព​ចំណូល​ដ៏​សំខាន់​របស់​លោក សេង ឈួន មេ​ជញ្ជីង​ថ្លឹង​រថយន្ត​ទូទាំង​ប្រទេស....! -@- សុខ ចំរើន ឈ្មួញទិញត្រីបែកគំនិតធ្វើរបាំងព្រួល ដាកធ្នស់ សុីដាច់ព្រែករួមសហគមន៍ទុកនេសាទលក្ខណៈគ្រួសារ នៅភូមិកំពង់ប្រាសាទ ឯមន្ត្រីជលផល ទាំងសង្កាត់ ទាំងខណ្ឌ សម្ងំឈឹង គេសង្ស័យកំពុងរលួយដល់ឆ្អឹង ឃុបឃិតគ្នាផ្កាប់ឆ្នាំងបាយពលរដ្ឋ ? -@- ឈ្មួញធំៗច្រើននាក់នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់ ជាប្រភពចំណូលរបស់លោក ហេង​ សំហៃ មេគយច្រកកំពង់ផែកែវផុស -@- ពលរដ្ឋនៅតែបន្តតវ៉ា សុំបញ្ឈប់ឈ្មោះ ចូច មិនឱ្យធ្វើអាជីវកម្មនេសាទផ្ដាច់មុខព្រែកប្រណាក -@- ក្លឹបចំនួនធំក្នុងក្រុងភ្នំពេញខ្លះ រកសុីជួញដូរនិងប្រើប្រាស់គ្រឿងញៀនពេញបន្ទុកបាន អោយតែបានបង់ថ្លៃការពារជូនបងធំ?សង្ស័យថាមានមន្ទីរគ្រឿងញៀនម្នាក់ ធ្វើជាមន្ត្រីនៅមន្ទីរគ្រឿងញៀនផង ធ្វើជាថៅកែក្លឹបផង? -@- ជញ្ជីងថ្លឹងរថយន្ត អូរពោធិ ស្ថិតនៅស្រុករវៀង ខេត្តព្រះវិហារ កំពុងត្រូវប៉ាន់ក្រោមការចាត់ចែងពីលោកប្រធាន ហោ គឹមឡុង...
សូម​ស្វាគមន៍​ ឯកឧត្តម លោកជំទាវ លោក លោកស្រី​ ចូលមកកាន់គេហទំព័រ «នគរសន្តិភាព»​ ទាក់ទងព័ត៌មាន តាមទូរស័ព្ទលេខ 096 77 77 716 ឬតាមសារអេឡិចត្រូនិច Email: nokorsantepheap@gmail.com
Comments Off on លោក សំ សុវណ្ណារិទ្ធ ស្រង់ដើមពីទំនិញគេចពន្ធលើលំហរសមុទ្រនិងឃុបឃិតជាមួយឈ្មួញគ្រាក់ៗ យ៉ាងតក់ក្រហល់តាដែល!

លោក សំ សុវណ្ណារិទ្ធ ស្រង់ដើមពីទំនិញគេចពន្ធលើលំហរសមុទ្រនិងឃុបឃិតជាមួយឈ្មួញគ្រាក់ៗ យ៉ាងតក់ក្រហល់តាដែល!

អ្នករកសុីដឹកទំនិញតាមសមុទ្រម្នាក់និយាយថា រឿងដោះ
ដូរមេសាខាគយកំពង់សោមជារឿងតាដែលៗទេ គាត់ថា ព្រាយកន្ទោងខៀវ ក៏ដូច អ្នកតាក្រហមកដែរ ពួកភូតទាំងនោះសុីសំណែនដែលគេសែនដូចតែគ្នានឹង។គាត់បន្តថា ម្ជូរក្រូចក៏ដូចម្ជូរអំពិលដែរ យកមកបង់សម្លម្ជូរវាជូរដូចតែគ្នាណឹង! អ្នកតាណាមិនទទួលសំណែន?មេសាខាគយណា មិនទទួលសំណូក ?គ្រាន់តែច្រាស់ច្រំតិចឬច្រើនទៅតាមវិនិយោកម្មគេប៉ុណ្ណោះ!។ ប្រភពដដែលបន្តថា៖ ជាក់ស្តែង បន្ទាប់ពីលោកទុំ ណូចេញទៅ លោកសំ សុវណ្ណារឹទ្ធចូលកាន់ដំណែងមេសាខាភ្លែត ទំនិញគេចពន្ធបានហូរចូលតាមស្នាក់ការគយនិងរដ្ឋាករទាំង៣ដែលស្ថិតក្រោមការគ្រប់គ្រងរបស់សាខាគយ ខេត្តព្រះសីហនុយ៉ាងកំហ៊ុកដដែល។

បុរសដដែលបន្តថា រដ្ឋបានបាត់បង់ចំណូលពន្ធនាំចូលយ៉ាងហោច៥០%ធ្លាក់ចូលក្រោមតុក្នុង១ខែៗ ដោយអំពើរត់ពន្ធនិងការគប់គឹត វាជាប្រភពសេដ្ឋកិច្ចនៃអំពើពុករលួយរបស់ ប្រធានសាខាប្រធានសាខា តែងតែតម្រូវអោយស្នាក់ការគយទាំង៣ម៉ៅដាច់រកលុយអោយជាកញ្ចប់ នាំគ្នាស៊ីតាមតួនាទី។

ប្រភពបន្តថាលោក សំ សុវណ្ណារិទ្ធ ដែលទើបឡើងតំណែងថ្មី ជំនួសកន្លែងលោក ទុំ ណូ កំពុងរៀបចំផែនការស្ដារស្រង់ដើម កើបលុយពីមធ្យោបាយដឹកជញ្ជូនទំនិញគេចពន្ធលើលំហរសមុទ្រ ដែលហូរចូលតាមច្រកស្នាក់ការទាំង៣ អោយមានតម្លាភាពអាចប្រមូលលុយបានច្រើនជាងមុន ដោយយកគំរូពី លោក ទុំ ណូធ្វើជាផែនទីបង្ហាញផ្លូវ ។ដូចជា ក្នុងនោះស្នាក់ការគយ  ទំនប់រលក ដែលពោពេញទៅដោយទំនិញគេចពន្ធលក្ខណ:ទ្រង់ទ្រាយធំ មានជាម៉ូតូទំនើបៗ គ្រឿងសំណង់ ទំនិញចាប់ហួយ ស្ករស គ្រឿងក្រអូប គ្រឿងបន្លាស់ គ្រឿងអេឡិចត្រូនិចរត់ពន្ធ មិនបង់ពន្ធនិងបង់មិនគ្រប់ បង់ពន្ធមិនគ្រប់ហើយបង់ក្លែងភេទថែមទៀត។ល។

មានមន្រ្តីគយខ្លះដែលគេមិនអោយស៊ី បានខ្សឹបថា អ្វីដែលរដ្ឋបាត់បង់ចំណូលពន្ធនាំចូលសន្ធឹកសន្ធាប់ក្នុង១ខែៗ គឺបញ្ហា«ប្រេងគេចពន្ធរត់ពន្ធ»នេះតែម្តងដែល ស្នាក់ការគយទំនប់រលក រកសេដ្ឋកិច្ចពុករលួយអោយបង់ជូនប្រធានសាខា យ៉ាងសុខស្រួលគប់គឹតជាមួយយោធាការពារលំហរសមុទ្រធ្វើជាប្រេងនាំចូលស្របច្បាប់។

គយទំនប់រលក ដែលមានលោក ណុប សំអាន ជាប្រធានការិយាល័យគយច្រកទំនប់រលក និលោក ផាត់ សំណាង អនុប្រធានការិយាល័យគយច្រកទំនប់រលក និងមេសាខាខេត្តថ្មីបន្តផែនការចាស់តាមបែបកន្ទេលធំបន្លំដេក មានវិធានទប់ស្កាត់ទំនិញគេចពន្ធ ប្រេងគេចពន្ធ អនុវត្តតាមផែនការអគ្គនាយ នៃអគ្គនាយកដ្ឋាន គយនិរដ្ឋាករ កម្ពុជា និងការណែនាំពីក្រសួងសេដ្ឋកិច្ច និងហិរញ្ញវត្ថុ ក៏ដូចគោលនយោបាយរដ្ឋាភិបាល ទទួលបានចំណូលពន្ធនាំចូលក្នុងកម្រិតខ្ពស់ដែរក្នុង១ខែៗ ប៉ុន្តែប្រធានសាខា និងមេស្នាក់ការទាំង៣ ន្ទេលធំបន្លំដេកស្រូបយកប្រភពសេដ្ឋកិច្ចពីទំនិញរត់ពន្ធ ទំនិញបង់ពន្ធមិនគ្រប់ ក្លាយទៅជាវប្បធម៍ហែកប្រយោជន៍ជាតិចែកគ្នាសុយ៉ាងស្ងាត់ មួយភាគដាក់ហោប៉ៅស្នាក់ការ មួយភាគជូនសាខាតាមផែនការស្រង់ដើមនិងមួយភាគទៀតជាសំណែនដល់ថ្នាក់លើដើម្បីបិទបាំងអំពើមិនប្រក្រតី?។

ប្រេងគេចពន្ធបានហូរចូលពីប្រទេសថៃ យកមកចែកចាយបន្តនៅចំណុច កោះព្រាប ក្រោមការគ្រប់គ្រងដោយមេគយទំនប់រលក លោក ណុប សំអាន ដដែល។ដូច្នេះទាំងទូកតូច ទូកធំចរាចរណ៍លើដែនសមុទ្រត្រូវទិញប្រេងគេចពន្ធពីចំណុច កោះព្រាប ក្នុងតំលៃទាប ពិសេសឡានឈ្មួញទាំងតូច ទាំងធំ បានទៅដឹកចេញពីកោះព្រាប យកមកចែកចាយតាមស្ថានីយ៍ប្រេងក្នុងក្រុងព្រះសីហនុ និងបណ្តាស្រុកមួយចំនួនទៀតយ៉ាងចំហរមិនដែលបង្ក្រាប រីឯទំនិញគេចពន្ធលក្ខណ:ទ្រង់ទ្រាយធំ មានជាម៉ូតូទំនើបៗ គ្រឿងសំណង់ ទំនិញចាប់ហួយរត់ពន្ធ បង់ពន្ធនាំចូលមិនគ្រប់  និងទំនិញក្លែងភេទក៏ត្រូវឆ្លងកាត់ក្រុមគយចល័តដែនសមុទ្រ និងនគរបាល ព្រំដែនទឹកជាមុនសិនដែរ។ បានន័យថា គយចល័តដែនសមុទ្រ និងនគរបាលព្រំដែនស៊ីលុយពីឈ្មួញហើយ ខាងគយទំនប់រលកគស្ទឹងហាវ គយកែវផុស សុីលុយមួយតង់ទៀត ទើបបទល្មើសរត់ពន្ធក្លាយទៅជារឿងធម្មតាដដែលៗ។ សេនារិយោរបស់ លោក សំ សុវណ្ណារិទ្ធនេះគេថារដ្ឋនឹងត្រូវបាត់បង់ចំណូលពន្ធនាំចូលក្នុង១ខែរាប់សែនដុល្លារដដែល ដែលលុយនោះធ្លាក់ចូលត្រឹមហោប៉ៅមេសាខា មេគយស្នាក់ៗ ពិសេសមេគយទំនប់រលកទទួលលាភសក្ការៈពីទំនិញគេចពន្ធគ្រប់យ៉ាងក្នុងកម្រិតខ្ពស់មានលទ្ធភាពទ្រទ្រង់សេដ្ឋកិច្ចលោក សំ សុវណ្ណារិទ្ធ មេសាខាគយកំពង់សោមថ្មី។

លោកសំ សុវណ្ណារិទ្ធិ មេសាខាគយខេត្តព្រះសីហនុ និង លោកណុប សំអានមេគយទំនប់រលកដុះស្លែ មិនអាចសុំធ្វើអត្ថាធិប្បាយពន្យល់ ពីការលើកឡើងខាងលើនេះបានទេ ត្បិតលោកទាំងពីរ ហាក់ជាមាសមិនគ្រប់ទឹកឬមិនសុទ្ធ ខ្លាចសំណួរអ្នកកាសែត ដូចមាសមិនសុទ្ធខ្លាចភ្លើង។ យ៉ាងណាយើងទន្ទឹងចាំបកស្រាយគ្រប់ម៉ោងធ្វើការ។

Filed in: ព័ត៌មានថ្មី, សន្តិសុខសង្គម, សូមរាយការណ៍

Recent Posts

Bookmark and Promote!