ប្រភពពីពលរដ្ឋដែររស់នៅផ្លូវមួយខ្សែប្រវែងកន្ទុយអណ្តើក ចុះពីផ្លូវលេខ៣៧១ ឆ្ពោះទៅចេញត្រង់ចំណុចការ៉ាស់សាំងតេលា ទល់មុខបុរីពិភពថ្មីចំការដូង ខូចល្មមៗអាជ្ញាធរអត់ខ្ចីបើកភ្នែកមើលទេ តើពួកគាត់នាំគ្នាទុកអោយខូចប្រើលែងកើតសិន ទើបសុំលុយធំចាំសុីធំ? ឬទុកចាំសម្តេចហ៊ុន សែនគោះដូចត្រដោក?
ប្រជាពលរដ្ឋជាច្រើននាក់ កំពុងរស់នៅតាមដងផ្លូវមួយខ្សែចុះពីផ្លូវ៣៧១ឆ្ពោះទៅចំការដូង ដែលកំពុងរងការខូចខាតធ្ងន់ធ្ងរ បានសម្តែងការហួសចិត្តយ៉ាងខ្លាំងចំពោះឥរិយាបទ អាជ្ញាធរខណ្ឌដង្កោ និង មន្ទីរសាធារណការក្រុងភ្នំពេញ ដែលបណ្តែតបណ្តោយ ទុកអោយផ្លូវដែលមានចរាចរមមាញឹកមួយខ្សែខូវខ្ទេចខ្ទី ខណៈដែលពួកអស់លោកជិះរថយន្តពីលើទៅមករាល់ថ្ងៃ បែរជាធ្វើមិនឃើញដូចអត់គ្រាប់ភ្នែកមើល។
ពលរដ្ឋថា៖ផ្លូវមួយខ្សែខាងលើនេះសំខាន់នឹងមមាញឹក សម្រាប់ធ្វើដំណើរវៀងចុះពីផ្លូវលេខ៣៧១ ឆ្ពោះទៅចេញត្រង់ចំណុចការ៉ាស់សាំងតេលាទល់មុខបុរីពិភពថ្មីចំការដូង នៅក្នុងភូមិសាស្ត្រភូមិម័លឬ(បឹងត្មាត) សង្កាត់ដង្កោ ខណ្ឌដង្កោ ក្រុង
ភ្នំពេញ។បច្ចុប្បន្នផ្លូវនោះកំពុងខូចខាតយ៉ាងធ្ងន់ធ្ងរ។
ពលរដ្ឋបន្តថា៖អាជ្ញាធរនឹងមន្ទីរសាធារណការក្រុងនឹងបន្តទុកអោយខូចទៀតទាល់តែប្រើលែងកើតទាំងស្រុងមិនខាន ប្រសិនជាសម្តេចតេជោហ៊ុន សែនមិនគោះដូចគេត្រដោកនោះ។
លោកប្រធានមន្ទីរសាធារណការក្រុង សំា ពិសិដ្ឋ ធ្លាប់អាម៉ាស់ដោយត្រូវសម្តេចហៅមកឈរចង្អុលមុខកណ្តាលចំណោមនាពេលកន្លងមកម្តងហើយតែលោកមិនញញើត?។
ពលរដ្ឋរស់នៅតាមដងផ្លូវខាងលើលើកថាផ្លូវនេះបើជួសជុលពីឥឡូវ អស់លុយតិចអាចប្រើបានវិញ។ ប៉ុន្តែបើអាជ្ញាធរមូលដ្ឋាននិងមន្ទីរសាធារណការក្រុង នៅតែមិនបើកកភ្នែកមើលផ្លូវតាមអនុសាសន៍សម្តេចតេជោហ៊ុន សែនទេ ហើយនៅតែបណ្តោយអោយប្រើទាំងខូចតទៅទៀត មិនយូរទេនឹងទាំងស្រុង ហើយរដ្ឋនឹងត្រូវចាយលុយទាំងដុលៗតាម បែបខ្ជះខ្ជាយដើម្បីធ្វើវិញមិនខាន។
ពួកគាត់បន្តថា៖ឬមួយអស់លោកទុកចាំអោយខូចខ្ទេចខ្ទីប្រើលែងកើតទាំងស្រុងសិនទើបនាំគ្នា លើកគម្រោងជួសជុលធំ យកលុយដុំងាយចែកគ្នាពុករលួយលើខ្នងរាស្ត្រនិងខ្នងរដ្ឋ?
លោកស្រី អភិបាលខណ្ឌដង្កោនិងលោកសាំពិសិដ្ឋប្រធានមន្ទីរសាធារណការក្រុងភ្នំពេញដែលត្រូវសម្តេចតេជោហ៊ុន សែនធ្លាប់ព្រមានពីឥរិយាបទសម្ពឹក មិនបើកភ្នែកមើលផ្លូវខូចក្នុងទីក្រុងភ្នំពេញ នៅកណ្តាលចំណោមមន្ត្រីរាប់រយនាក់ក្នុងសាលាក្រុងភ្នំពេញហើយផ្សាយជាឧឡារឹកតាមទូទស្សន៍កន្លងមកនោះ មិនអាចទាក់ទងសុំការបកស្រាយពន្យល់នូវការលើកឡើងដោយពលរដ្ឋខាងលើបានទេកាលពីព្រឹកមិញ៕