ប្រភពពីឈ្មួញ និងអាជីវកររកស៊ីដែលដឹកជញ្ជូនទំនិញឆ្លងកាត់តាមច្រកទ្វារបាក់ដៃបានឲ្យដឹងថា បុគ្គលដែលជាប្រធានការិយាល័យច្រកបាក់ដៃ ដែលធ្វើអ្វីៗបានគឺដោយសារមានការបើកដៃ និងផ្តល់អំណាចភ្លើងខៀវពីបុគ្គល ស៊ុន ឆាយ ដែលជាមេសាខាគយខេត្តតាកែវ ចូលរួមផងដែរទើបធ្វើឲ្យប្រធានការិយាល័យគយច្រកបាក់ដៃ មួយនេះអាចធ្វើអ្វីៗប្រព្រឹត្តទៅបានយ៉ាងរលូន។
ប្រភពព័ត៌មានពីមន្ត្រីនៅច្រកបាក់ដៃ ក្នុងខេត្តតាកែវ បានឲ្យដឹងថា ក្រោយបានទទួលការទុកចិត្ត និងផ្តល់ភ្លើងខៀវពីបុគ្គល ស៊ុន ឆាយ ប្រធានសាខាគយខេត្តតាកែវ បានធ្វើឲ្យប្រធានការិយាល័យគយច្រកបាក់ដៃ បង្កើនឥទ្ធិពលប្រមូលលុយតាមរបៀបពុករលួយ។
ប្រភពដដែលបានបន្តឲ្យដឹងទៀតថា ការដែលប្រធានការិយាល័យគយច្រកទ្វារបាក់ដៃ មួយនេះអាចធ្វើអ្វីៗបានខ្លាំងខាងប្រព្រឹត្តអំពើពុករលួយ គឺមានការសហការបែងចែកផលប្រយោជន៍ជាមួយបុគ្គល ស៊ុន ឆាយ ដែលអាចឲ្យប្រធានគយច្រកបាក់ដៃ បង្កើនការឃុបឃិតបើកដៃឲ្យឈ្មួញនាំទំនិញគេចពន្ធ និងទំនិញបង់ពន្ធមិនគ្រប់ ហើយក៏មានការបែងចែកមួយផ្នែកធំទៅដល់បុគ្គល ស៊ុន ឆាយ ទើបបុគ្គលដែលជាប្រធានការិយាល័យគយច្រកបាក់ដៃមួយនេះអាចធ្វើអ្វីៗបានទៅតាមអំពើចិត្តរបស់ខ្លួន។ ប្រភពបានបន្តឲ្យដឹងទៀតថា ច្រកបាក់ដៃគឺជាកន្លែងដែលឈ្មួញនាំទំនិញគេចពន្ធ និងបង់ពន្ធមិនគ្រប់ដែលនាំចូលពីស្រុកយួនមានទាំងប្រេងសាំង ប្រេងម៉ាសូត គ្រឿងទេស ទំនិញចាប់ហួយ គ្រឿងកំប៉ុង មេស្រា ម្សៅមី គ្រឿងបន្លាស់រថយន្ត គ្រឿងបន្លាស់ម៉ូតូ ព្រមទាំងគ្រឿងសំណង់ មានដូចជា ដែក ឥដ្ឋការ៉ូ និងគ្រឿងសំណង់ ជាច្រើនប្រភេទថែមទៀតផង។ ប្រភពពីឈ្មួញ និងអាជីវកររកស៊ីដែលដឹកជញ្ជូនទំនិញឆ្លងកាត់តាមច្រកទ្វារបាក់ដៃបានឲ្យដឹងថា បុគ្គលដែលជាប្រធានការិយាល័យច្រកបាក់ដៃ ដែលធ្វើអ្វីៗបានគឺដោយសារមានការបើកដៃ និងផ្តល់អំណាចភ្លើងខៀវពីបុគ្គល ស៊ុន ឆាយ ដែលជាមេសាខាគយខេត្តតាកែវ ចូលរួមផងដែរទើបធ្វើឲ្យប្រធានការិយាល័យគយច្រកបាក់ដៃ មួយនេះអាចធ្វើអ្វីៗប្រព្រឹត្តទៅបានយ៉ាងរលូន។
ដោយមានការឃុបឃិត និងសហការប្រព្រឹត្តអំពើពុករលួយពីប្រធានការិយាល័យគយច្រកបាក់ដៃ ដែលសហការជាមួយបុគ្គល ស៊ុន ឆាយ ដែលជាប្រធានសាខាគយខេត្តតាកែវ យ៉ាងសកម្មទាំងនេះមានការអំពាវនាវឲ្យលោកឧបកនាយករដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ អូន ព័ន្ធមុនីរ័ត្ន និងលោក គុណ ញឹម អគ្គនាយកគយកម្ពុជា មិនត្រូវមើលរំលងចំពោះបុគ្គលប្រធានការិយាល័យគយច្រកបាក់ដៃ និងប្រធានសាខាគយខេត្តតាកែវ ដែលកំពុងផ្តល់កម្លាំងចិត្តឲ្យឈ្មួញដែលនាំទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់ ចេញចូលតាមច្រកទ្វារបាក់ដៃ ដែលធ្វើឲ្យរដ្ឋបាត់បង់ចំណូលពន្ធគយមួយផ្នែកតាមការប្រមូលពន្ធគយពីសំណាក់ប្រធានការិយាល័យគយច្រកបាក់ដៃមួយនេះជាបន្ទាន់ផង។ ម្យាងវិញទៀតបច្ចុប្បន្ននេះប្រធានការិយាល័យគយច្រកបាក់ដៃ ក៏បានគាបសង្កត់ទៅលើជម្រិតទារលុយស្រស់ៗពីប្រជាកសិករ និងអាជីវករខ្មែរដែលដឹកស្រូវ ឬកសិផលផ្សេងៗទៅលក់នៅស្រុកយួនដែលឆ្លងកាត់តាមច្រកព្រេកបាក់ដៃនេះ យ៉ាងខ្លាំងផងដែរ។ ព្រោះបុគ្គលដែលជាប្រធានការិយាល័យគយច្រកបាក់ដៃនេះបានយកឈ្មោះថ្នាក់ដឹកនាំគយនៅអគ្គនាយកគយកម្ពុជា មកប្រើប្រាស់ដើម្បីបិទបាំងនូវអំពើពុករលួយរបស់ខ្លួន និងបក្ខពួក។ ទង្វើអាក្រក់ និងយកការងាររដ្ឋបង្កប់នូវអំពើពុករលួយ ប្រមូលប្រយោជន៍ផ្ទាល់ខ្លួនទាំងអស់នេះហើយ បានមានការអំពាវនាវឲ្យលោក ឱម យ៉ិនទៀង ប្រធានអង្គភាពប្រឆាំងអំពើពុករលួយ ធ្វើការស្រាវជ្រាវ និងទប់ស្កាត់ទៅលើបុគ្គលប្រធានការិយាល័យគយច្រកបាក់ដៃ និងមេសាខាគយខេត្តតាកែវ។