បនល្បែងស៊ីសងអនឡាញ Net បើកឡើងវិញរំភើយ នៅចំណុចជាប់នឹងផ្ទះលេខ១១២តាមផ្លូវ៣៧១ ជិតស្តុបក្នុងភូមិក្បាលទំនប់ សង្កាត់បឹងទំពន់២ ខណ្ឌមានជ័យ ប៉ុន្តែលោកអធិការខណ្ឌ អ៊ុក បូនីន និងលោកអភិបាលខណ្ឌមានជ័យ បានរក្សាភាពស្ងប់ស្ងាត់ ហាក់មិនគោរពបទបញ្ជាសម្តេចតេជោហ៊ុនសែននិងបទបញ្ជាសម្តេចក្រឡាហោម ស ខេងបន្តិចឡើយ?
គួររម្លឹកថា៖កាលថ្ងៃទី ១៧ ខែកញ្ញា ឆ្នាំ ២០២២ កន្លងទៅសម្ដេចតេជោ ហ៊ុន សែន បានចេញបទបញ្ជា ដាច់ណាត់មួយ ដល់ អភិបាលរាជធានី ខេត្ត ទូរទាំងប្រទេស ត្រូវបិទបនល្បែងសុីសង ខុសច្បាប់គ្រប់ប្រភេទ អោយអស់និងអោយឧ្យខាងតែបាន។បន្ទាប់ពីចេញបទបញ្ជាមករាជរដ្ឋាភិបាលបានចេញសេចក្តីសំរេចមួយទៀតលេខ៦២ ស.ស.រ បង្កើតក្រុមការងារមួយ ដើម្បីអោយបង្ក្រាបបទល្មើសល្បែងសុីសងខុសច្បាប់គ្រប់ប្រភេទ និង ដើម្បីអនុវត្តបទបញ្ជាសម្តេចខាងលើនោះអោយកាន់តែមានប្រសិទ្ធិភាព។ក្នុងសេចក្តីសំរេចនោះមានឯកឧត្តម សុខ ផល រដ្ឋលេខាធិការក្រសួងមហាផ្ទៃ ជាប្រធាន។សម្តេចតេជោហ៊ុនសែន ក៏បានបញ្ជាក់យ៉ាងច្បាស់ទៀតថា អាជ្ញាធរនិងសមត្ថកិច្ចស្រុក ក្រុង ខេត្តណា ដែលមិននាំគ្នាទប់ស្កាត់និងបង្ក្រាប បទល្មើសល្បែងស៊ីសង នៅក្នុងមូលដ្ឋានរបស់ខ្លួនទេ អាជ្ញាធរនិងសមត្ថកិច្ចទាំងនោះ និងត្រូវប្រឈមបាត់បង់តំណែងទៀតផង ។គេបានសង្កេតដោយយកចិត្តទុកដាក់ កន្លងមកឃើញថា បទបញ្ជារបស់សម្តេចទាំង២មានប្រសិទ្ធិភាព មួយប្រាវ ឬហាក់ក្តៅបានតែមួយចម្អិនកំពឹស ឥឡូវត្រជាក់ល្ហឹម ។ រីឯក្រុមការងារដែលដឹកនាំដោយលោករដ្ឋលេខាធិការក្រសួងមហាផ្ទៃ លោកសុខ ផល នោះ មានឥរិយាបទហាក់ដូចមនុស្សពិការអវៈយវៈ«ខ្វិនហើយគថ្លង់ទៀត»ផង។ ឯអាជ្ញាធរមូលដ្ឋាន ឯណោះវិញ ទោះជាដើរបុកបនល្បែងមិនបង្ក្រាបដែរ ដែលពាក្យសាមញ្ញអាចហៅថាជាទង្វើផ្គើនបទបញ្ជាតែម្តង?។
បនល្បែងអនឡាញNETនៅក្នុងផ្ទះជាប់នឹងផ្ទះលេខ១១២ នៅផ្លូវលេខ ៣៧១ខាងលើមានអ្នកចូលលេងទាំងយប់ទាំងថ្ងៃ យ៉ាងច្រើនកុះករ ។ពិសេសគឺបើកលេងមួយយប់ៗទល់ភ្លឺ ២៤ម៉ោង ក្នុងមួយថ្ងៃ។ផ្ទះបនល្បែងនោះ បើជាអ្នកដំណើរវិញតែស្ទើរ១០០%យល់ថាជាផ្ទះលក់ចាប់ហួយនិងភេសជ្ជៈប៉ុណ្ណោះ។ ប៉ុន្តែម្ចាស់ទីតាំង គ្មានអ្វីលក់ឡើយ គេតាំងតែសំបកកំប៉ុងទទេប៉ុណ្ណោះ ជាការបិទបាំងបំភន្ត័ភ្នែក។ឯខាងក្នុងគឺជាល្បែងណិតខុសច្បាប់ពេញព្រៀប ។អ្លកចូលលេង គេអោយទុកម៉ូតូនៅខាងក្នុងផ្ទះ នៅក្នុងផ្ទះសុទ្ទតែមូតូអ្នកញៀនល្បែង ដែលទៅចូលលេងទាំងយប់ទាំងថ្ងៃពេញៗអត់ញញើតច្បាប់ឡើយ ក៏ ព្រោះតែគ្មាននរណាបង្ក្រាបដែរ។
មហានជនបានលើកឡើងថា មូលហេតុដែលអស់លោក អាជ្ញាធរនាំគ្នារក្សាភាពស្ងៀមស្ងាត់ ចំពោះបនល្បែងខាងលើនេះ ហើយថែមទាំងផ្គើននិងបទបញ្ជារបស់សម្តេចតេជោនិងសម្តេចក្រឡាហោមនោះ សង្ស័យអស់លោកត្រូវថ្នាំសណ្តំ មេបនល្បែងល្បែងខាងលើនេះ ហើយបានយក បនល្បែងធ្វើជាឆ្នាំងបាយរបស់ពួកគាត់ទៀតហើយ ទើបនាំគ្នាស្ងៀមស្ងាត់បែបនោះ។ពាក់ព័ន្ធនិងករណីខាងលើនេះ ឯ.ឧស្នងការស ថេត និងឯ.ឧចៅហ្វាយក្រុង ឃួង ស្រេងដែលធ្លាប់អួតក្អេងក្អាង នឹងពូកែប្តេជ្ញាបង្ក្រាបបទល្មើសល្បែងស៊ីសង នាពេលកន្លងមកក៏មិនឃើញបញ្ចេញកណ្តាប់ដៃដែក ចុះបញ្ជាអោយ អាជ្ញាធរថ្នាក់ក្រោមបង្ក្រាបបនល្បែងNetតាមប្រព័ន្ធអនឡាញខាងលើនេះដែរ។
មហាជនមួយចំនួនបានលើកឡើងទៀតថា ប្រហែលជា បទបញ្ជារបស់ប្រមុខរដ្ឋាភិបាលគឺជាការវ៉ៃបំបែកឆ្នាំបាយបុគ្គលមួយក្តាប់តូចដែលសម្ងំក្នុងសមាសភាពអាជ្ញាធរមូលដ្ឋានហើយ។ ហេតុនេះហើយទើបបទបញ្ជាត្រូវបានពួកគេខ្លះធ្វើជាគោរពបង្គ្រប់កិច្ចតែមួយចំអិនកំពឹស បែបនេះ។
ឯ.ឧស ថេតស្នងការក្រុងភ្នំពេញ និងឯ.ឧឃួង ស្រេងដែលពូកែតែអួតអាងបង្ក្រាបល្បែងក្នុងក្រុង តែល្បែងញុកទីក្រុងនោះ សុទ្ធតែមិនអាចសុំពន្យល់បកស្រាយ ការបើកល្បែងខុសច្បាប់ណិតNETវិញនៅចំណុចខាងលើបានទេកាលពីព្រឹកមិញ៕
