ខេត្តកណ្តាល ៖ មន្ត្រីនគរបាលវរៈការពារព្រំដែន ៦០៥ ប្រចាំទិសជ្រៃធំម្នាក់ បាននាំជនជាតិវៀតណាមជាច្រើនចូលលុកលុយនេសាទត្រីដោយប្រើឧបករណ៍ខុសច្បាប់ រួមមានសៃយ៉ឺន ស្បៃមុងនៅក្នុងបឹងអតីតឡូត៍លេខ១៥ ស្ថិតនៅក្នុងភូមិព្រែកស្បូវ ឃុំសំពៅពូន ស្រុកកោះធំ ខេត្តកណ្ដាល និងអតីតឡូត៍លេខ១១ និងឡូត៍លេខ១៣ ស្ថិតក្នុងស្រុកអង្គរបុរីខេត្តតាកែវយ៉ាងអនាធិបតេយ្យ ។
អ្នកភូមិព្រែកស្បូវបាននិយាយថា ជារៀងរាល់ថ្ងៃប្រជាជនវៀតណាមច្រើនណាស់ មិនដឹងថាមានចំនួនប៉ុន្មាននាក់នោះទេ បានចូលមកនេសាទត្រី នៅក្នុងបឹងអតីតដែន ឡូត៍នេសាទ ខាងលើដោយប្រើឧបករណ៍សៃយ៉ឺនស្បៃមុង សុទ្ធសឹងជាសៃយ៉ឺនប្រភេទយក្ស ប្រើបច្ចេកទេស ដាក់កាច់ឡុកកន្ទុយកណ្តុរ ដោយមានរបាំងព្រួល ។ ស្បៃមុង រាប់រយពាន់ម៉ែត្រ នៅពេញពាសក្នុងផ្ទៃបឹងតែម្តង ធ្វើឲ្យពួកកគាត់ជាប្រជានេសាទខ្មែរក្រីក្រ រកតែកន្លែងដាក់មងចងសន្ទូចមិនបានទេ ។
ពួកអ្នកនេសាទជនជាតិវៀតណាម ម្នាក់ប្រើឧបករណ៍សៃយ៉ឺនស្បៃមុងច្រើនមាត់ដើម្បីដាក់ចាប់ត្រីហើយពេលដែលលើកចាប់យកត្រីម្តងៗគឺម្នាក់ៗប្រមូលត្រីបានពី ២ទៅ៣តោនហើយពួកគេលើកចាប់យកត្រីតែពេលយប់ទេហើយក្នុងមួយថ្ងៃលើកម្តង។ប្រភពដដែលបានបន្ថែមថាចំពោះមន្ត្រីនគរបាលវរៈការពារព្រំដែន៦០៥ប្រចាំទិស ជ្រៃធំម្នាក់ដែលបាននាំជនជាតិវៀតណាមជាច្រើនចូលលុកលុយនេសាទត្រីដោយខុសច្បាប់នោះត្រូវបានគេស្គាល់ថាឈ្មោះដុងជាមេប៉ុស្តិ៍វរៈការពារព្រំដែនចម្ការចេក។
មន្ត្រីនគរបាលរូបនេះបាននាំជនជាតិវៀតណាមមកនេសាទដោយប្រើឧបករណ៍សៃយ៉ឺនស្បៃមុងនេះគឺមិនមែនតែឆ្នាំនេះទេនាំមកជារៀងរាល់ឆ្នាំហើយក្នុងមួយឆ្នាំមន្ត្រីនគ បាលរូបនេះបានទទួលប្រាក់ពីក្រុមអ្នកនេសាទជនជាតិវៀតណាមទាំងនោះរាប់សិបលានរៀលឯណោះជាថ្នូរនឹងការការពាររត់ការបើកផ្លូវឲ្យអ្នកនេសាទជនជាតិ វៀតណាមទាំងនោះមានឱកាសប្រើឧបករណ៍ខុសច្បាប់បានយ៉ាងរលូន។ ដូច្នេះសូមអាជ្ញាធរពិសេសមន្ត្រីជំនាញមេត្តាចាត់វិធានការបង្ក្រាបចំពោះបទល្មើសនេសាទ ទាំងនេះផង ៕ veng